Link to Video

بھائی - دو بیٹوں کی کہانی 

یہ ایک لڑکے کی کہانی ہے جس کا نام نائی تھا۔ وہ اپنے بڑے بھائی نایا اور اپنے والد کے ساتھ رہتا تھا۔ ان کے والد ایک پرانی بیماری سے نبرد آزما تھے۔

ان مشکل دنوں میں ایک دن نائی اداسی کے ساتھ اپنی مردہ ماں کی قبر پر کھڑا اسے یاد کر رہا تھا جو سمندر میں ڈوب گئی تھی جب کہ وہ اسے بچانے میں ناکام رہا۔

اس کا بڑا بھائی، نیا، اسے اپنے بیمار والد کو گاؤں کے ڈاکٹر تک پہنچنے میں مدد کرنے کے لیے بلاتا ہے۔ دونوں نے اپنے والد کو ڈاکٹر کے پاس لے جانے کے لیے گاڑی میں بٹھا دیا۔ نائی کم عمر اور غیر تجربہ کار تھا۔ اس کا بڑا بھائی نیا مشکل کاموں میں اسکی مدد کرتا تھا۔

وہ آخر کار ڈاکٹر کے گھر پہنچ جاتے ہیں جو انہیں بتاتا ہے کہ ان کے والد کو بچانے کا واحد راستہ ایک آب حیات ہے ۔ اس نے بھائیوں  کو بتایا کہ وہ جادوئی پانی بہت دور آب حیات کے درخت سے مل سکتا ہے ۔ اُس نے اُنہیں ایک نقشہ دیا جو اُنہیں آب حیات کے درخت تک لے جا سکتا تھا۔

دونوں بھائی گاؤں سے اپنے سفر کا آغاز کرتے ہیں ۔ انہیں راستے میں ایک دریا ملا۔ نائی کو تیرنا نہیں آتا تھا اور ڈر لگتا تھا۔ نایا نے اسے قائل کیا کہ اگر وہ اس کی پیٹھ تھامے تو وہ اسے عبور کر سکتے ہیں۔ اس طرح انہوں نے دریا کو کامیابی سے عبور کیا اور اپنا سفر جاری رکھا۔

گاؤں میں انہیں ایک کسان کا کتا اور ایک شرارتی لڑکا ملا جس نے ان کے راستے میں دروازہ بند کر دیا۔ بھائیوں نے لڑکے کو چکمہ دیا اور کتے کو کھول دیا جو لڑکے کا پیچھا کرنے لگا اور دونوں بھائی اگلی منزل کی طرف روانہ ہوۓ۔

بعد میں انہیں ایک پل ملا جو بند تھا۔ اس کے پاس پل کا نگہبان سو رہا تھا۔ جب نیا اسے بیدار نہ کر سکا تو نائی نے اسے جگانے کے لیے اس کے چہرے پر پانی کے چھینٹے مارے۔ آدمی ہڑبڑا کر اٹھ بیٹھا اور ان کے لیے پل کھول دیا۔

وہ پھر کھیتوں میں ایک غصیلے کتے کا سامنا کرتے ہیں اور کتے کو چکمہ دے کر کھیت کو کامیابی سے عبور کرتے ہیں۔ انہوں نے ایک اور بند پل کا سامنا کیا اور ایک بھیڑ کو ایک پہیے کی طرح کے سانچے میں رکھ کر اس پل کو کھول دیا۔

پھر وہ ایک دیو کے گھر پہنچے۔ پتہ چلا کہ دیو دکھ سے رو رہا تھا۔ دیو کے ساتھ بات چیت سے انہوں معلوم ہوا کہ اس کی بیوی کو برے دیو نے اغوا کیا ہوا تھا. انہوں نے اس کی بیوی کو واپس لانے میں دیو کی مدد کرنے کا وعدہ کیا۔ دیو انہیں اس جگہ کی طرف لے جاتا ہے جہاں برے دیو رہتے ہیں۔

دیو انہیں ایک چھوٹے سے غار کے پیچھے چھوڑ دیتا ہے جسے وہ عبور نہیں کر سکتا تھا۔ دونوں بھائیوں نے برے دیو کے زیر زمین علاقے میں اپنا سفر جاری رکھا جو کہ پہیلیوں سے بھرا ہوا تھا۔

آخر کار انہوں نے دیو کی بیوی کو پنجرے میں قید پایا جہاں قریب ہی ایک برا دیو بھی پنجرے کی چابی لیے موجود تھا۔ چونکہ برا دیو بے خبر تھا اس لیے چھوٹے بھائی نائی نے اس سے چابی چرا کر پنجرہ کھولا۔ دیو کی بیوی ڈر کر بھاگتی ہے اور نائی غصے سے چلاتا ہے کہ اس نے انہیں پیچھے کیوں چھوڑ دیا۔

برا دیو ہوشیار ہو گیا اور بھائیوں کو ڈھونڈ نکالا۔ انہوں نے اسے چکمہ دیا اور اسی پنجرے میں بند کر دیا جس سے انہوں نے دیو کی بیوی کو رہا کیا تھا۔ اچھے دیو کی بیوی انہیں اپنے ساتھ لے جانے کے لیے واپس آئی اور وہ اس جگہ سے بچ نکلنے کے لیے آگے بڑھے۔

برے دیو کے علاقے کے آخری حصّے میں، اچھا دیو ان کا انتظار کر رہا تھا لیکن اچانک برا دیو دوبارہ نمودار ہوا۔ بھائیوں نے پھر اسے دھوکہ دیا اور آگ سے بھرے گہرے کنویں میں دفن کر دیا۔ وہ بحفاظت اس جگہ سے نکل گئے اور دیو جوڑے نے بھائیوں کا شکریہ ادا کیا اور آب حیات کے درخت کے لیے ان کی رہنمائی کی۔

نائی اور نایا کے بیمار باپ نے خواب میں دیکھا کہ ان کے بیٹے خطرے میں ہیں۔ اس دوران بھائیوں کو رات کے وقت جنگل میں قیام کے دوران بھوکے بھیڑیوں نے گھیر لیا۔ وہ آگے بڑھتے ہوئے آگ کا استعمال کر کے بھیڑیوں کو دور رکھنے میں کامیاب ہو گئے اور ایک قبرستان تک پہنچ گئے۔

نائی نے گھنٹی بجائی تاکہ قبرستان کے نگران کو بلایا جائے جس نے ان کے لیے دروازہ کھولا۔

قبرستان سے نکلنے کے فوراً بعد ان پر دوبارہ بھیڑیوں نے حملہ کر دیا اور انہیں پانی میں کودنا پڑا۔ وہ پانی سے باہر آئے اور بھوت زدہ درختوں سے گزرتے ہوئے نائی دوبارہ دریا میں پھسل گیا اور نیا نے اس کے پیچھے چھلانگ لگا دی۔ نیا نے اپنے چھوٹے بھائی کو بچایا جو ہوش کھو بیٹھا تھا اور اپنے خاندان کے بارے میں ایک ڈراؤنا خواب دیکھ رہا تھا جب کہ نیا اسے جگا رہا تھا۔

اگلا دن شروع ہوا اور انہوں نے نقشے کی مدد سے اپنا سفر دوبارہ شروع کیا. انھیں پہاڑ کی چوٹی پر ایک موجد کا گھر ملا۔ وہ پہاڑ کی چوٹی پر تیزی سے پہنچنے کے لیے پہاڑی بکریوں پر سوار ہوۓ۔

موجد مشکل میں تھا کیونکہ اس کی لفٹ ایک پرزہ غائب ہونے کی وجہ سے کام نہیں کر رہی تھی۔ بھائیوں نے مشین کو ٹھیک کرکے اس کی مدد کی اور موجد نے انہیں اپنا ایئر گلائیڈر اڑانے دیا تاکہ وہ اپنا سفر جاری رکھنے کے لیے پہاڑوں کے دوسرے حصے تک پہنچ سکیں۔

انہوں نے سفر سے لطف اندوز ہوتے ہوئے ہوائی جہاز پر گلائیڈنگ شروع کر دی لیکن منزل تک پہنچنے سے پہلے ہی گلائیڈر خراب ہو گیا۔ خوش قسمتی سے، وہ بمشکل اس قلعے تک پہنچے جس تک انہوں نے پہنچنا تھا اور پھر مزید آگے بڑھتے رہے۔

انہوں نے دیکھا کیا کہ ان کے راستے کی طرف جانے والا پل تباہ ہو گیا ہے۔ اسی دوران انہوں نے ایک جانور کی آواز سنی۔ وہ آواز کے پیچھے گئے اور ایک زخمی دیوہیکل اُلو کو پنجرے میں بند پایا۔ انہوں نے اسے آزاد کیا اور پرندے نے انہیں تباہ شدہ پلکے پار پہنچا دیا۔

نائی اور نایا نے پہاڑوں پر اپنا سفر جاری رکھا اور ایک ایسی جگہ پہنچے جہاں انہیں دیو ہیکل جنگجوؤں کی لاشیں ملیں۔ ایسا لگتا تھا کہ جنگ ابھی ابھی ختم ہوئی ہے۔ پہاڑیوں سے نیچے جاتے ہوئے انہوں نے دیکھا کہ ایک لڑکی قبائلیوں کے ہاتھوں قربان ہو رہی ہے۔

بھائیوں نے اپنے آپ کو خون میں ڈھانپ لیا اور انکے بت کا بھیس بدل لیا۔ وہ آہستہ آہستہ لڑکی کی طرف بڑھے اور اسے چھڑا لیا۔ قبائلیوں کو معلوم ہوا کہ انہیں دھوکہ دیا گیا ہے تو وہ ان کے پیچھے لگ گئے۔ لڑکی نے انہیں اس جگہ سے فرار ہونے میں مدد کی اور انہوں نے کشتی پر اپنا سفر جاری رکھا۔

وہ برفیلے علاقے میں موجود ایک قلعے تک پہنچے اور وہاں منجمد سپاہیوں کو دیکھا۔ وہ قلعے میں داخل ہوئے لیکن ایک پوشیدہ خطرہ پایا۔ یہ ایک غیر مرئی دیو تھا۔ وہ رکاوٹوں کے پیچھے چھپ کر آگے بڑھے لیکن آخر کار پکڑے گئے۔ غیر مرئی دیو سے بھاگتے ہوئے، انہوں نے ایک پرانا پل عبور کیا جو اس وقت ٹوٹ گیا جب دیو اس سے گزرا اور دیو گر گیا۔

اجنبی لڑکی نایا کو بہکانا شروع کر دیتی ہے جبکہ نائی کو لڑکی پر بھروسہ نہیں تھا۔ لیکن نائی کے منع کرنے کے باوجود نایا لڑکی کے بھروسہ پر ایک غار میں داخل ہوگیا۔

اندر آنے کے بعد، لڑکی ایک شیطانی مکڑی میں بدل جاتی ہے اور نایا کو کھانے کی کوشش کرتی ہے. دونوں بھائی اس کی ٹانگیں کھینچ کر اسے ختم کرنے میں کامیاب ہو جاتے ہیں۔ لیکن بدقسمتی سے نایا پہلے ہی زخمی ہو چکا تھا۔

اپنے سفر کے اختتام کے قریب، دونوں بھائی آب حیات کے درخت تک پہنچ جاتے ہیں۔ نایا زخمی تھا اور اصرار کرتا ہے کہ نائی درخت کی چوٹی تک پہنچنے کے لیے آگے بڑھے۔ نائی اوپر چڑھ کر آب حیات جمع کرتا ہے، لیکن جب وہ نیچے کی طرف لوٹتا ہے، تو اسے معلوم ہوتا ہے کہ نایا پہلے ہی چوٹ سے مر چکا ہے۔ نائی اسے وہ پانی پلا کر زندہ کرنے کی کوشش کرتا ہے لیکن ناکام رہتا ہے. بہت غم اور اداسی میں وہ اپنے بڑے بھائی کو دفن کرتا ہے۔

اسی اثنا میں وہی دیو ہیکل الو وہاں آتا ہے اور نائی کو واپس اسکے گاؤں لے جاتا ہے. وہاں دوبارہ اسے دریا کا سامنا ہوتا ہے. نائی کو اپنے مرتے ہوئے باپ تک پانی پہنچانے کے لیے تیراکی کرنی تھی جو وہ نہیں جانتا تھا۔ اس کی ماں کی روح اسے تسلی اور حوصلہ دیتی نظر آتی ہے، اور نائی دریا پار کرنے میں کامیاب ہو جاتا ہے۔

فوراً ہی وہ ڈاکٹر کے گھر پہنچ کر اسے آب حیات دیتا ہے، اور اسکے والد راتوں رات اپنی بیماری سے صحت یاب ہو جاتے ہیں۔ اگلے دن، نائی اور اس کے والد ماں اور نایا دونوں کی قبروں پر انھیں یاد کرتے ہیں۔